No fantástico reino dos contos os textos das historias están a desaparecer e as fadas dos contos-monitoras están en Galén coa misión de alimentar soños e imaxinación para que as vellas historias rexurdan. Os nenos e nenas sodes os encargados de recuperalos.
Nesta terceira semana a nosa misión consistirá en recuperar o conto de "Jack e os feixós máxicos": xigantes, galiñas de ovos de ouro, e un mundo cheo de aventuras nos agardan.
Para levar a cabo todas as cousas divertidas que faremos ao longo da semana precisaremos roupa cómoda, calzado tipo deportivo, gorra ou sombreiro e todos os días unha mochila provista de toalla, chanclas, dous traxes de baño e crema para o sol.
É importante que levemos a roupa marcada, así poderemos evitar extravíos. E se necesitamos seguir unha dieta ou tomar algunha menciña somentes teremos que comunicalo, as nosas monitoras se encargarán de todo.
De seguro que o pasaremos moi ben!!
No hay comentarios:
Publicar un comentario